Berhati-hatilah dalam setiap perilaku kita agar tidak mendzalimi orang lain dan tidak merampas haknya. Sebab, setiap perbuatan akan di balas dan dipertangungjawabkan, baik di akhirat maupun disegerakan di dunia. Demikian pula tindakan dzalim, baik kedzaliman kepada diri sendiri, kepada sesama manusia, maupun kepada sesama makhluk.
Maka khutbah Jumat bahasa Sunda yang berjudul “Kieu Balukarna Mun Urang Milampah Kadzoliman,” ini berbicara tentang bentuk-bentuk perbuatan dzalim sekaligus bahaya dan balasannya di akhirat.
Untuk mencetak, silahkan klik fitur download di bagian atas atau bawah naskah khutbah ini.
Khutbah I:
الْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، الَّذِى يَعْلَمُ مَا أَظْهَرَهُ الْعَبْدُ وَمَا أَخْفَاهُ، الْمُتَكَفِّلُ بِأَرْزَاقِ عِبَادِهِ فَلاَ يَتْرُكُ أَحَدًا مِنْهُمْ وَلاَيَنْسَاهُ، أَحْمَدُهُ سُبْحَانَهُ وَتَعَالَى عَلَى مَاأَعْطَاهُ. أَشْهَدُ أَنْ لآ إِلٰهَ إِلاَّ اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلاَّ اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالاَهُ
أَيُّهَا النَّاسُ، اِتَّقُوا اللهَ ، وَتَفَكَّرُوْا فِي نِعَمِ رَبِّكٌمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، أَعُوْذُ بِاللهِ مِنَ الشَّيْطَانِ الرَّجِيْمِ، ﴿وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ﴾، وَقَالَ النَّبِيُّ صَلَّى اللهُ عَلَيْهِ وَسَلَّمَ، وَاتَّقِ دَعْوَةَ الْمَظْلُومِ، فَإِنَّ دَعْوَةَ الْمَظْلُومِ مُجَابَةٌ، صَدَقَ اللهُ الْعَظِيْمِ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشّاكِرِيْنَ وَالْحَمْدُ للهِ رَبِّ الْعَالَمِيْنَ، أَمَّا بَعْدُ
Sidang jumah rohimakumulloh
Puji sareng syukur hayu urang sami-sami panjatkeun ka Gusti Anu Maha Suci, Alloh Robbul Izzati. Dzat anu teu weleh-weleh maparin ni’mat ka urang sadayana ti kawit urang gubrag ka alam dunya dugika danget ieu. Teu kakantun ni’mat taufiq sareng hidayah sahingga dina danget ieu urang tiasa kempel di tempat mulya dina raraga ngalaksanakeun netepan jumah berjamaah.
Solawat sareng salam mugia dikucurkan ka panutan alam, panghulu para nabi, yakne Kangjeng Nabi Muhammad saw. Teu kakantun ka kulawargina, para sahabat, para tabi’in, para tabi’ tabi’in, dugi ka urang sadayana anu mugi-mugi dipaparin kakiatan kanggo turut-tumut kana ajaran mantenna, kalayan di akherat urang kenging syafaatna.
Hadirin anu dimulyakeun ku Alloh
Sateuacan ngalajengkeun ieu khutbah, khotib wasiat khusus ka diri khotib nyalira, umum ka jamaah sadayana, hayu urang sami-sami ningkatkeun katakwaan ka Alloh swt. Sabab, takwa mangrupakeun kagindingan keur kaimanan urang. Takwa mangrupakeun tameng keur urang ngalaksanakeun sagala parentah Alloh, sareng nebihan larangan-Nana. Mugia urang sadayana sing digolongkeun ku Alloh salaku jalmi-jalmi anu iman sareng takwa kalayan di akherat bagja ngengingkeun rohmat sareng rido-Na. Amin ya robbal alamin.
Hadirin sadayana, sakumaha ayat anu diaos dina muqodimah tadi, Allah parantos ngadawuh:
أَعُوْذُ بِاللهِ مِنَ الشَّيْطَانِ الرَّجِيْمِ، ﴿وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ
Hartosna, “Ulah nyangka anjeun yen Alloh lalei tina perkara anu dilakukan ku jalma-jalma anu dzolim. Namung Alloh ngakhirkeun wawales maranehna dina hiji poe dimana panon jalma-jalma sing olohok,” (QS. Ibrohim [14]: 42).
Ngalangkungan ayat ieu, Allah mepelingan yen urang sadayana kedah ati-ati dina satiap laku lampah. Sabab, bisi tindak-tanduk urang kalebet kana pagawean dzolim. Sedengkeun tiap-tiap pagawean dzolim bakal aya balitungannana. Karena saenya-enyana Alloh teu lalei dina nyatet pagawean hamba-Na, kalebet pagawean jalma anu dzolim.
Katambih pagawean dzolim teh lain hungkul ka papada jalma, tapi ka diri sorangan sareng ka papada makhluk. Sedengkeun ari tingkatan pagawean dzolim, eta aya pagawean dzolim anu aya harepan bakal dihampura ku Alloh, aya pagawean dzolim anu moal dihampura ku Alloh, aya oge pagawean dzolim anu bakal ditangguhkeun dihampurana ku Alloh. Langkung jelasna mangga titenan cariosan anu didugikeun ku Imam Anas bin Malik sakumaha anu dicatut ku Syekh Zainudin al-Malaibari dina kitab Irsyadul-Ibad halaman 80.
Ari kadzoliman anu moal dihampura ku Alloh nyaeta kadzoliman anu mangrupakeun kasyirikan atanapi midua Pangeran. Tah eta kadzoliman anu moal dihampura sahingga tobat bener-bener ka Alloh oge ngeureunan pagawean syirikna.
Salajengna, kadzoliman anu bakal dihampura ku Alloh nyaeta kadzoliman hiji hamba ka dirina akibat maksiat sareng pagawean dosa anu langsung ka Pangerannana. Tah eta kadzoliman anu aya harepan dihampura sanajan anjeuna hanteu tobat, salami anjeuna osok leukeun migawe kahadean. Sabab, kedah kauninga, mangfaat pagawean hade teh nyaeta ngiparatan kana dosa-dosa anu tos kaliwat. Kantenan ageung harepan dihampurana lamun anjeuna ngalaksanakeun tobat nasuha ka Alloh swt.
Katiluna kadzoliman anu ditangguhkeun dihampurana ku Alloh nyaeta kadzoliman anu dilakukan ka papada jalma. Tah eta kadzoliman moal waka dihampura ku Alloh sateu acan eta jalma menta dihampura ka jalma anu didzolimna. Sahingga mun teu menta dihampura, eta kadzoliman bakal jadi hutang anu natrat dugika akherat lamun teu direngsekeun di dunya.
Ku hal sakitu, kudu sieun urang ngalakukan kadzoliman, imma kadzoliman ka diri sorangan, ka papada makhluk, atanapi kadzoliman ka papada jalma. Sabab, sadayana oge bakal dibalitungkeun jeung dipertangung-jawabkeun di akherat.
Salajengna, kadzoliman ka papada jalma, sakumaha anu ditetelakeun ku azh-Zhaohiri dina kitab al-Kaba’ir, aya tilu rupa: (1) kadzoliman hiji hamba anu patali sareng harta saperti ngadahar harta sareng hak batur; (2) kadzoliman mangrupakeun panganiayaan saperti ngabunuh, neungeul, ngaraheutan, nganyerikeun anggota badan, sareng sajabina; (3) kadzoliman anu ngaruksak martabat jalma sejen, saperti ngahina, ngaledek, nuduh tanpa dasar, ngabuli, nyinyir, sareng sabangsana.
Larangan tilu rupa kadzoliman di luhur teh parantos ditegeskeun ke Alloh swt. dina kitab suci Al-Quran:
يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ إِلَّا أَنْ تَكُونَ تِجَارَةً عَنْ تَرَاضٍ مِنْكُمْ وَلَا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيمًا
Hartosna, “He jalma-jalma anu iman, ulah rek ngadahar harta sasama aranjeun ku cara anu batil, kecuali mangrupa perdagangan atas dasar suka sareng suka di antara aranjeun. Oge anjeun ulah ngabunuh diri anjeun sorangan. Saenya-enyana Alloh maha deudeuh ka aranjeun,” (QS. an-Nisa’ [‘4]: 29).
وَقَالَ: يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ
Hartosna, “He jalma-jalma anu iman, hiji kaum ulah rek ngaledek kaum anu sejen,” (QS. al-Hujurat [49]: 11).
Anapon balesan keur jalma anu dzolim sareng ngarampas hak jalma sejen tos seueur ditetelakeun dina ayat sareng hadis, di antarana:
Hadirin sidang jumah,
Kahiji, amal kahadean nana dipasrahkeun ka jalma anu didzolim. Dina salah sawios hadis, Kangjeng Rosul parantos ngadugikeun yen jalma anu dzolim kaasup jalma anu muflis atanapi bangkrut di akherat. Maksud bangkrut di dieu nyaeta amal-amal kahadeannana seep ku sabab dipasrahkeun ka jalma anu didzolimna. Hal ieu sakumaha hadis anu diriwayatkeun ku Imam at-Tirmidzi anu ditampi ti Imam Abu Hurairoh:
إِنَّ الْمُفْلِسَ مِنْ أُمَّتِي مَنْ يَأْتِي يَوْمَ الْقِيَامَةِ بِصِيَامٍ وَصَلَاةٍ وَزَكَاةٍ، وَيَأْتِي قَدْ شَتَمَ عِرْضَ هَذَا، وَقَذَفَ هَذَا، وَأَكَلَ مَالَ هَذَا، فَيُقْعَدُ، فَيَقُصُّ هَذَا مِنْ حَسَنَاتِهِ، وَهَذَا مِنْ حَسَنَاتِهِ، فَإِنْ فَنِيَتْ حَسَنَاتُهُ قَبْلَ أَنْ يَقْضِيَ مَا عَلَيْهِ مِنَ الْخَطَايَا، أُخِذَ مِنْ خَطَايَاهُمْ فَطُرِحَتْ عَلَيْهِ، ثُمَّ طُرِحَ فِي النَّارِ
Hartosna, “Saenya-enyana jalma bangkrut di tengah umat kaula nyaeta jalma anu datang dina poe Kiamat nyandak amal puasa, amal sholat, sareng amal zakat. Nanging, manehna datang saatos ngaledek kahormatan si ieu, nuduh si ieu, oge ngadahar harta si ieu. Akhirna, anjeuna didiukkeun. Si ieu dibales tina kahadean-kahadeannana. Si itu dibales tina kahadean-kahadeannana. Nalika kahadean-kahadeannana seep sateuacan ngalunasan sakabeh kasalahan-kasalahannana, maka kasalehan-kasalahan jalma anu didzolim ditimpakan ka manehna, dugika manehna dibalangkeun kana naraka,” (HR. At-Tirmidzi).
Kadua, dibere balesan anu sarupa jeung bentuk kadzolimanana. Dina hadis riwayat Imam Ahmad disebatkeun, nalika aya jalma anu nyandak sajeungkal tanah di dunya, maka di akhirat manehna bakal dibere balesan ngagali sajeungkal tanah dugika tujuh lapis bumi. Satuluyna, tanah eta dikalungkeun ka manehna dugika poe Kiamat nepika diputuskeun perkarana di antara sakabeh manusa. Kitu pisan sakumaha anu tos diunggelkeun ku Kangjeng Nabi saw.
أَيُّمَا رَجُلٍ ظَلَمَ شِبْرًا مِنَ الْأَرْضِ، كَلَّفَهُ اللهُ عَزَّ وَجَلَّ أَنْ يَحْفِرَهُ حَتَّى يَبْلُغَ آخِرَ سَبْعِ أَرَضِينَ، ثُمَّ يُطَوَّقَهُ إِلَى يَوْمِ الْقِيَامَةِ حَتَّى يُقْضَى بَيْنَ النَّاسِ
Hartosna, “Jalma mana wae anu ngadzolim sajeungkal tanah, maka Allah bakal nungtut sina ngagali tanah sajeungkal tadi dugika tungung tujuh lapis bumi nepika poe Kiamat sareng diputuskeun perkarana di antara sakabeh manusa,” (HR. Ahmad).
Sidang Jumah anu mulya
Katilu, diancam ku doa buruk jalma anu didzolim. Sing emut, jalma anu didzolim kalebet salah sahiji di antara tilu golongan anu mustajab doana, sanajan eta jalma anu didzolim teh hiji jalma jahat atawa sejen muslim, sakumaha dawuhan kangjeng Rosul saw. ngalangkungan sahabat Imam Abu Hurairah:
وَاتَّقِ دَعْوَةَ الْمَظْلُومِ، فَإِنَّ دَعْوَةَ الْمَظْلُومِ مُجَابَةٌ
Hartosna, “Kudu sieun anjeung kana doa jalma anu didzolim, sabab doa jalma anu didzolim mustajab (tereh diqobul),” (HR. Malik).
Keempat, tungtutan sareng persidangan di padang mahsyar. Dina waktu harita, ahli naraka moal asup ka naraka sareng ahli surga moal asup ka surga samemeh dirina bebas tina sagala sangkutan, kadzoliman, sareng hak ka papada jalma. Saterasna, ahli naraka oge moal asup naraka salila manehna masih ngabogaan hak di ahli surga. Nyakitu ahli surga moal asup surga salila manehna masih ngabogaan hak di ahli naraka. Hal ieu saperti anu digambarkeun ku Kangjeng Nabi saw. dina hadisna.
لَا يَنْبَغِي لِأَحَدٍ مِنْ أَهْلِ النَّارِ، أَنْ يَدْخُلَ النَّارَ، وَلَهُ عِنْدَ أَحَدٍ مِنْ أَهْلِ الْجَنَّةِ حَقٌّ، حَتَّى أَقُصَّهُ مِنْهُ، وَلَا يَنْبَغِي لِأَحَدٍ مِنْ أَهْلِ الْجَنَّةِ أَنْ يَدْخُلَ الْجَنَّةَ، وَلِأَحَدٍ مِنْ أَهْلِ النَّارِ عِنْدَهُ حَقٌّ، حَتَّى أَقُصَّهُ مِنْهُ، حَتَّى اللَّطْمَةُ
Hartosna, “Teu pantes hiji ahli naraka asup kana naraka, sementara manehna masih boga hak di ahli surga. Oge teu pantes hiji ahli surga keur asup surga, sementara manehna masih boga hak di ahli naraka, dugika Kaula mutus perkarana, sanajan bentuk hakna ukur hiji cabokan,” (HR. Ahmad).
Dina poe harita, bakal didugikeun ka maranehna, “Sing saha-saha jalma anu masih ngabogaan hak, maka kudu datang ka na bogana.” Malahan, harita hiji jalma sigana ngarasa bagja lamun masih boga hak di anak atawa di dulurna. Sabab, dina poe kiamat mah teu aya hubungan nasab. Sanajan nalika di dunya pada kenal, dina poe harita mah kaayaan maranehna teu saling tanya. Leuwih beuratna deui, sakumaha dina sababaraha hadis, disebatkeun tuntutan di akhirat lain hungkul datang ti papada jalma, tapi ti papada makhluk seperti hewan anu pernah disiksa atawa dianiaya. Mangga tingal kitab Fathul Bari jilid 13, halaman 457.
Benten deui sareng dosa ka Alloh. Dosa naon wae anu dikersakeun ku Alloh, bakal dihampura. Nanging dosa mana wae anu teu dihampura ku Alloh, bakal diantep hingga diputuskeun perkarana supaya teu aya hiji hamba waktu harita anu didzolim.
Sabab, satiap hak dibikeun ka nu bogana. Sakabeh kahadean sareng kagorengan dibales ku Alloh kalayan adil. Teu aya kahadean jeung kadzoliman anu dipohokeun. Pantes Allah ngadawuh sakumaha aya anu di luhur, “Ulah nyangka anjeun yen Alloh lalei tina perkara anu dilakukan ku jalma-jalma anu dzolim. Namung Alloh ngakhirkeun wawales maranehna dina hiji poe dimana panon jalma-jalma sing olohok.” (QS. Ibrohim [14]: 42).
Mugia urang sadayana kalebet jalma-jalma anu kenging pitulung Alloh sareng tebih tina padamelan anu dzolim. Amin ya mujibas sa’ilin.
بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ
Khutbah II:
اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ
اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ. اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ
عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ
Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.
Download segera! NU Online Super App, aplikasi keislaman terlengkap. Aplikasi yang memberikan layanan informasi serta pendukung aktivitas ibadah sehari-hari masyarakat Muslim di Indonesia.
